«Eraman zurekin Hondarribiko artea» da erakusketaren izenburua eta abuztuaren 29a arte egongo da ikusgai.
Honako hau da erakusketaren nondik norakoa: «Ez da ohiko arte erakusketa bat. Ez da soilik margolanak edo eskulturak paretetan zintzilikatzeko espazioa. Gogoetarako eta elkarrizketarako espazio bat da, artearen bidez gure herriaren gaur egungo egoera eta identitatearen inguruan hitz egiteko. Hondarribia urte osoan bisitari ugariren helmuga da. Gure kaleak, tabernak, hondartzak eta ikuspegiak erakargarriak dira, eta horrek herriari izaera dinamiko eta kosmopolita ematen dio. Baina horren azpian, zer gertatzen da hemen bizi garenon begietatik? Zer ikusten dute gure artistak? Nola eragiten digu etengabeko turismoak, gure eguneroko erritmoan, gure nortasunean?. Erakusketa honetan 14 sortzaileren lanak bildu dira, guztiek ikuspegi pertsonaletik eta sormenetik erantzuten dieten galdera hauei. Bereziki interesgarria den proposamen baten bidez aurkeztuko dira: artelanak kamiseta formatuan. Objektu arrunt batetik abiatuta –turista orok oroigarri moduan erosiko lukeen pieza batetik– artearen eta mezuaren sakontasuneraino heltzen gara. Kamiseta bakoitzak artista baten begirada darama».
Nire kamisetan irudikatutakoa «Sliding Landscapes: Walton Heath» lanaren imajina da. Honekin batera ikusgai daude Aida Jorda, Andoni Gallego, Maider Goikoetxea, Kikis Alamo, Naiara Goikoetxea, Eneko Sagarzazu, Aitzol Goikoetxea, Julen Goikoetxea, Saioa Ayala, Ainhoa Taberna Otaño, Naikari Díaz eta Beñat Amunarrizen lanak ere bai.
Horra Iñigo Ariztibalek DVn argitaratutako artikuloa:
Antxeta Irratian erakusketari buruzko erreportaia: